ကြက်သားလုံးကြော်
အလုပ်ပြုတ်မှာကြောက်လို့နော် ဟီး စတာ တကယ်မအားတာပါ
စားစေချင်လို့ ကြော်လိုက်တယ် ကြက်သားလုံးကိုခရုဆီ နဲ့ကြော်ထားတယ်
တော်တော်စားကောင်းတယ်သိလား ပြောတာမဟုတ်ဘူး :D
လိုအပ်တာတွေ
- ကြက်သားလုံး အနည်းငယ်
- ပန်းဂေါ်ဖီ အနည်းငယ်(အပွင့်လေးများဖြတ်ထားပါ)
- ပဲသီး အနည်းငယ်( လက်၁ဆစ်ခန့်)
- မုန်လာဥနီ အနည်းငယ်(ပါးပါးလှီးထားပါ)
- ခရုဆီ စားပွဲဇွန်း ၃ဇွန်း(ကြက်သားလုံး ၂၅၀ဂရမ် အတွက်)
- ပဲငံပြာရည်အကြည် စားပွဲဇွန်း ၁ဇွန်း
- ပဲငံပြာရည် အချို စားပွဲဇွန်း ၁ဇွန်း
- ဆား/အချိုမှုန့် အနည်းငယ်
- နှမ်းဆီ အနည်းငယ်
- ငရုတ်ကောင်းမှုန့် အနည်းငယ်
- ဆီ စားပွဲစားဇွန်း ၃ဇွန်း
- ကြက်သွန်(ဖြူ/နီ) အနည်းငယ်ကိုဒါးပြားရိုက်ထားပါ
- ဂျင်း အနည်းငယ်ကိုဒါးပြားရိုက်ထားပါ
ကြက်သားလုံးကို လုပ်ပြီးသားဝယ်ရင်ဝယ်ပါ
မ၀ယ်ချင်လည်း ကျနော် အသားလုံးနည်းရေးပြီးသားပါ
အနည်းငယ်ဆိုတာ ကိုယ်ဘယ်လောက်စားမလည်းကိုမူတည်ပါတယ်
အသီးအရွက်တွေကို ပြုတ်လိုက်ပါ အကျက်မြန်အောင်
ဒယ်အိုး၁လုံးမှာ ဆီပူအောင်တည်ပါ
ဆီပူလာရင် ကြက်သွန် ဂျင်းကို ဆီသတ်ပါ
ဟင်းသီးဟင်းရွက်တွေကိုထည့်ကြော်ပါ
မီးပြင်းပြင်းနဲ့ကြော်တာကောင်းပါတယ်
ကျနော်တို့ကျတော့ Wok တွေနဲ့ကြော်တာပါ
မွှေးတာပေါ့ မီးနံလေးလည်းပါတယ် ဟင်းသီးဟင်းရွက်တွေလည်းမနွမ်းဘူး
အရသာထည့်ပါ ကြက်သားလုံးထည့်ပါ
၃မိနစ်လောက်မီးပြင်းပြင်းနဲ့ မွှေကြော်ပေးပါ
ပြီးတာနဲ့ပူပူနွေးနွေး သုံးဆောင်နိုင်ပါပြီ ပန်းကန်ကိုတော့ ကြိုက်သလိုပြင်ပေါ့ဗျာ :D
1 အဲ့လိုပြောထားတယ်:
အဲ....လှလိုက်တာ
စားရက်ဘူးတော်
အင်းးးးးးးးးးးးးးးးးးးးမောင်လေးဝေယံရဲ့ မဟေသီကတော့
ကံကောင်မှာသေချာတယ်။
Post a Comment