အမှတ်တရ
ကျွန်တော် ရန်ကုန်မှာလုပ်တုန်းက ပျော်ပါတယ် တော်တော်လေးကိုပျော်တာပါ ဘယ်လောက်ပဲ စိတ်ညစ်စရာရှိရှိ
မီးဖိုချောင်ထဲရောက်တာနဲ့မေ့တာပါပဲ ဟင်းချက်လိုက် စလိုက်နောက်လိုက် ထမင်းတွေချက် ခိုးစား(ပေါ်တင်စားလို့မရဘူးလေ) အချင်းချင်းလိုက်ရစ် အဲ့လိုမျိုးဆိုးတာ မနက်ပိုင်း ဂျူတီကြရင်ပျော်တယ် ၆နာရီခွဲဆိုစတယ် မနက်စာကိုတာဝန်ယူရတယ် နောက်နေ့လည်အတွက်ချက် ညစာအတွက်ပြင် မနက်စာကတော့ညဂျူတီကချက်ပြီးသား လိုတာလိုက်ဖြည့်ရတာ နောက်ကြက်ဥကြော်ရတယ် နေ့လည်ကျတော့ ဧည့်သည်တွေမှာတာ တစ်ပွဲချင်းရောင်းရတယ်လေ ကြားထဲမှာ လိုတာတွေပြင်ဆင်ပေါ့ ညနေစာ နောက်နေ့အတွက် မနက်ပိုင်း ၇နာရီကနေ ၁၀ နာရီဆို ကျွန်တော် ၂၁ ထပ်ကို တတ်ရပါတယ် အရေးကြီးဧည့်သည်တွေကို သီးသန့် မနက်စာခင်းပေးတယ် သူတို့စားဖို့ ကြက်ဥကြော် ကြော်ပေးရတာ အဲ့ဒီ့မှာ
အစားအသောက် ၀န်ဆောင်မှုဝန်ထမ်းတွေမရှိဘူး ဧည့်ကြိူ ဋ္ဌာ န က ၀န်ထမ်းတွေက ၀န်ဆောင်မှုပေးရတာလေ အရေးကြီးလို့ အဲ့မှာ ပျင်းစရာကြီးဗျ သူတို့လာမှာတာကြော် အားရင်အောက်ပြန်ဆင်း
တတ်လိုက်ဆင်းလိုက်ပေ့ါဗျာ အဲ့က၀န်ထမ်းတွေနဲ့ ခင်ကုန်ပါလေရော စားဖိုမှူးက Front Office ကလူတွေနဲ့ခင်သွားရော အတူတွဲလုပ်နေတာကိုး :D သူတို့က ကော်ဖီဖျော်တိုက် ကျွန်တော်က ကြက်ဥကြော်ကြော်ပေး အဆင်ကိုပြေနေတာပဲ ကျွန်တော့်သူငယ်ချင်းတစ်ယောက်ဆို နှလုံးအားနည်းတယ်
သူ့အတွက်ဆို ကျွန်တော်က ကြက်ဥအကာကြီးပဲကြော်ပေးတာ :D သူစားဖို့လာမှာတာဆို ဟိုတယ်မှာမရှိတဲ့အခန်းနံပတ်နဲ့လာမှာတာ ၂၁၃၀ ၂၁ထပ်မှာ အခန်းနံပတ် ၃၀ မရှိဘူးလေ အထပ်တိုင်းအခန်း၃၀ရှိတယ် ၂၀ ၂၁ ၂၂ ပဲမရှိတာ ၂၁၃၀ ဆိုရင် သူစားဖို့ပါ နောက်တော့အမြဲအဲ့ဒီလိုပဲလာမှာတာ မမှာရင်လည်း ကျွန်တော်ကကြော်ပေးခဲ့တယ် သူတို့နဲ့ အလုပ်လုပ်တဲ့အချိန်တွေဆိုပျော်စရာကြီး စလိုက်နောက်လိုက် အားရင်လေပေါလိုက်နဲ့ ဂျာကြီးကမသိဘူး :P သိရင်ဆဲမှာ :D နောက်တော့လည်း အကုန်လုံး ၁နေရာဆီကွဲကုန်ကြတာပါပဲ ၁ယောက်၁နိုင်ငံဆီထွက်လာကြရော အခုကြတော့ အတိတ်က အမှတ်တရပေါ့ဗျာ သတိရတယ်ဗျာ
0 အဲ့လိုပြောထားတယ်:
Post a Comment